صدّام

تعدم وتبقى رافع الـراس صـدّام=تعدم وغيـرك يستحـق المنيـه
أمـرٍ طبيعـي لا تغشـوك بعـدام=عيد الضحيّه .. ويش عيد الضحيه
ننكس على موتك نعـاره وأعـلام=والله يخلّـي أمّـنـا الأجـوديـه
ماعاد به نخوه وغيـره وإسـلام=أكبر إهانـه مـن يديـن أجنبيـه
ذاع الخبر شنقه وضخـوه بعـلام=يعني زراعة ذل.. غير الأذيـه !!!
بغداد تبكي موت مـن أول العـام=تبكي قهر .. تفدي نفـوسٍ بريـه
عينٍ تشوف ويحلق الفم تمتـام=ودمعٍ يهل بكـل صبـح وعشيـه
لا شك علمك مخزيٍ بعض الأيام=ما أنسى الكويت وحربها الأوليه
راحو ضحايا فعلتك عجز وأيتام=وراحوا فدايا والسبايب شظيه
والخفجي اللي دونها الذيب ضرغام=ما تنّسَى والنار بالوجد حيّه
تكفى قصيدي أشعل النار قدّام=جهز قوافي علّتي والسريه
اللي مضى خله على جال حكّام=وإنبش عروق العز واليعربيه
حنّا عرب ولا مذله وخدّام؟؟=أكبر إهانه للعروبه هديـه
في عيد الأضحى والملاعين نيّام=يشنق شجاعٍ لو علومه ردّيه
انشهد إنها بالحشى ضربة ألغام=وأنشهد إنها يا جماعه قويّه
يرحمك يا شيخ الشجاعه والأقزام=يرحمك يامكوّي الحقودين كيه
ياليت به مثلك ثمانين صدّام=هذا الشطر يا ناس ماهوب ليّه
لكن عجبني قلته اليوم منضام=ياليت به مثلك شجاع وبليّه
تعدم وتبقى رافع الـراس صـدّام=تعدم وغيـرك يستحـق المنيـه