محمدابوشهاب -- ولطام العتيبي --

محمد ابوشهاب

سلام الله على اللي لهم فالوقت وقفات .. عتيبـه والزمـن بالفعايـل مانساهـا
وانا ماجيت لجل احكي والحن ابيات .. ابلعب في عتيبه وهي فـي منتداهـا


لطام

هلا يامرحبا وابشر الدعوى سهالات ..ولكن الخطيه ترى ما احد(ن) رضاها
تركد لا تهوّر مع العتبـان بالـذات .. رجال(ن)بالملاقا فنت منهـا عداهـا


محمد

يدوم بك البقا واطلب الله خمس مرات .. يجيبـك دونهـا ياولـد ولا وراهـا
تركد لاتسـوي سواليـف ودعايـات .. تراني ضيف نـاس تذريـك بذراهـا


لطام

انا ربعي حزامي رياجيل الشكلات .. ومن ميّل عليه الدهر لاذ بحماهـا
ولكن ودّي انشدك يامحمد من ايات .. قبايل مملكتنا سقى الوالي ثراهـا

محمد

انا اقول ونعم يارياجيـل المهمـات .. وهذي كلمتي والعرب سمعوا صداها
انا من يام يام الفعايـل والبطـولات .. رجال مثلكم في اللقا يذكـر نباهـا


لطام

وانا اقول النعم في رياجيل المروات .. ولايحسد على النعم من يتعب علاها
عميلي ياعميلي ترى طول المسافات .. قليل اللي بهالوقت ياصل منتهاهـا


محمد

لعلك تنتبه للكلام اللـي معـك فـات .. لاراحت الاوله راحت الاخرى وراها
علامك تلتفت مامشينا غير خطـوات .. لعلك فوق كـل العلـوم ومستواهـا

لطام

ترانا نعـرف الزيـن لاتكثـر دعايـات .. نعرف الطيبـه طيبـه فـي محتواهـا
وانا بغيت انبهك من قدمـك صعوبـات .. وخصمك كم رجال (ن) لطمها عن نحاها



محمد

تقوله وانت منته مسوي مستحيـلات .. ياجعل الطيبه من نصيب اللي شراها
تنبه واحد ماهر بسبـح المحيطـات .. حليلك تحسب ان من بغى حاجه لقاها



لطام

حليلك" يازقينك" لها فوقك علامات .. ياراع البندق اللي تثوّر في خباها
اقول اسمع كلامي ودوّر للسلامات .. ترى علتك علّه وانا عندي دواها



محمد

انـا رجـال مالـد بالـي للخرافـا .. تياراعي البندق اللي رمت به مارماهـا
توكل روح غادر نصيحه واترك الشات .. انا ودي بمن لا هـرج كلمـه حماهـا



لطام

وانا رجال مالـد عينـي للتفاهـات .. ولكن ناس مثلك جعلنا الله عماهـا
تكلم في كلام (ن) يكودك عشر مرات .. اثر بعض الاوادم بلاها مـن رداهـا



محمد

تلدالعين ولا عليك السالفـه جـات .. تراها وحده والبقيـه فـي سراهـا
احسبه مات واثره ليا هالحين مامات .. اثربعض الاوادم تبي تاخذ قضاهـا


لطام

تروح منين يابو يمن راع اللكاعات .. اثر بعض الاوادم تورط من غباهـا
اعرف ان اليماني خبير الثوم والقات .. يطالع فالجماعه ولاّ صلّـى معاهـا


محمد


تنكت كن من بيني وبينك علاقـات .. اثر بعض العرب وجهها كنه قفاهـا
تقوله وانت ماتعرف اركان الصلوات .. صحيبك ياولد يعرف البير وغطاها



لطام

انا بيني وبينك ترى مابه صدقـات .. ماعندي غير حد الشبا وانته عشاها
صلاتي حافظ اركانها والمستحبات .. ومثلك يالخميني صلاته ماوعاهـا



محمد


تهددوانت معروف ياياسرعرفات .. ونفس تقبل الذل ملعون ثواهـا
اجل سمعني الفاتحه ولا التحيات .. وسمعني حديثين واسم اللي رواه



لطام

انا اهدد وقولي تترجمـه الحقيقـات ..ولحيه مثل لحيتك ماتلحـق هواهـا
ضحكني هالخميني قعد يطلب روايات .. وهو سنّة محمد عرفها ثم عصاهـا


-------------

اتمنى لكم متعة القراءه

للمزيد من مواضيعي

 

الموضوع الأصلي : محمدابوشهاب -- ولطام العتيبي --     ||     المصدر : شبكة ومنتديات درر الادبية     ||     الكاتب : محمدابوشهاب

هلا ملاييين




وبانتظار عودتك



لاهنت

ابو شهــاب

لاهنتوا

طاروق من الوزن الثقيل

..تقبل تقديري..

شعراء مبدعين شرات ماقال بــوخالد

ويعطيهم ترليوون عافيه ..

** محاورة جميلة **



بارك الله فيكما ووفقكما للأفضل دائماً،

لقد حضرتُ من أجل أن أنهل من حروفكما العذبة،

.
.

مع خالص ودي واحترامي،،


______________

خلدية آل خليفة - المملكة المتحدة ...

ابوشهاااب محاوره متميزه برقيكم

مساء الخير ابو شهاب


يا كافي الشر دايم وانت مشعلل



مريت من هنا




شاعر برايتون