دقيقه ياعرب لحظه ..
خبر عاجل أبا أقوله
خبر عاجل ..
خبر عاجل .. معاد هناك لبناني
ياهول العلم ياعالم ..ياويل الحال ياهوله
لأن لبنان وسكّانه غزاهم واحدٍ جاني
مدام إني ذكرت العلم ..أباخذ بالشعر جوله
لجل لبنان والأمّه ..أصافق بين قيفاني
علام الوقت ذا خاين وحنّا ياعرب حوله
ماغير نشوف ونستنكر على ما صار دمراني
نشوف الضهد بعيونٍ تشوف المد من طوله
على هذا مكنّا نشوف.. مكنّا غير عمياني
هنا شايب يهل الدمع ويدعي يا أمن دوله
وهنا بنتٍ تشق الجيب وحيده مالها أخواني
قهرهم بوش وأعوانه ..ترا ماهي بمعقوله
قهرهم واحدٍ كافر وسلمه سلم نصراني
وحنّا يالعرب عادي ..بيوت العز مدهوله
غدينا بالإسم عربان..حشى ماحن بعرباني
ألا وينه صلاح الدين .. عشان يبان بفعوله
ألا وين الرجال اللي بهم غيره وإيماني
ألا تكفون يا أمّه .. يا أهل الجول والصوله
ترا لبنان تطلبكم بحد السيف شاماني
قسم باللي رفع سبعٍ وطمن قاع مسهوله
لوِنْ حنّا على كلمه وما بالجو خوّاني
ماكان الغرب يضربنا وياخذ مابغى نوله
ماكان العار يشملنا وهذا شوف الأعياني
جارالله الشدي
للمزيد من مواضيعي
العرض العادي
المواضيع المتشابهه 
