دلوعه .. لبيه يالروعه

وش حيلة اللي حياته بيد دلوعه ؟= دلوعةٍ لا وطت أرضٍ تحلّيها
لا شفت أنا غيرها يا لوعتي لوعه = وبْشوفها خذْتْ أنا الدنيا بما فيها
مقدار حبي لها داخل بموسوعه = وإحساس شوقي لها دآيم مخاويها
أحسّها في ربوع القلب مزروعه = لبيه يازولها وإن قلت .. لبيها
دلوعةٍ وصفها بالقد مربوعه = والزين والذوق كله في مرابيها
ريانةٍ لا مشت .. لبيه يالروعه = طويلةٍ لا جْلست محد يباريها
والعين عين أشقرٍ ماهي بمصنوعه = دعجٍ من الله عسى ربي يخليها
ربي عطاها جمالٍ نادرٍ نوعه = في شوفها سِعْدْ عين اللي مربيها
خشفٍ عن عيون كل الناس ممنوعه = من شافها جاه ما جاني .. يهذريها
صورة غلاها هنا بالقلب مطبوعه = متى على الله تجي .. تبصم بيدّيها
وتحس باللي طواه الشوق .. يا جوعه = والجوع كافر ونفسي من يغذيها؟
إن متْ منها ترا ماهي بمشفوعه = والنآس بأعمالها ربي يجازيها
وأنا ذبحني غلا غرنوق .. دلوعه = هي مصدر الموت وكلّي ميتٍ فيها

**
مناجاة حب يسكن الوجد
لينمو على بياض العشق السرمدي
حاملآ قلب مرهف الحس مغدق المشاعر
فـ نستمتع بهذيان الروح شوقاً

**
شاعرنآ العذب جارالله الشدي
همساتك راقيه ترسم بين عينيك النور
وأغدقت في وصفها حتى أتتك حروفك طائعه
لتنهض لذتهآ بين أوساط الشعر الشعبي

**
لحروفك بريق لؤلؤ ليمنح المارين صمت المكوث
ودفْ الحضور ليزدهر النثر بألق الحديث وجماله
لنعانق صدق النبض ولهفته

**
مترف الحس وعذوبة المنطق
لآ يكفينآ وميض حرفك لـ نحيآ
لـ يبقى آلجشع آمنيآت بحروف نرتويهآ دائماً من غدقك
ولروحك حدائق الياسمين

رووووووووووووووووووووووووووووووووووووووووووووووووو ووعة

صح لسااااااااانك

شاعرنا المبدع جار الله الشدي
إبداع يلامس صفحات الغيم
وحروف تتربع على عروش الروعة
أبهرني ما كتبت هنا
قصيدة رائعة
صح لسانك ملايييييييين لاهنت
تقديري

المشاركة الأصلية كتبت بواسطة نَقَاءْ ** مناجاة حب يسكن الوجد لينمو على بياض العشق السرمدي حاملآ قلب مرهف الحس مغدق المشاعر فـ نستمتع بهذيان الروح شوقاً ** شاعرنآ العذب جارالله الشدي همساتك راقيه ترسم بين عينيك النور وأغدقت في وصفها حتى أتتك حروفك طائعه لتنهض لذتهآ بين أوساط الشعر الشعبي ** لحروفك بريق لؤلؤ ليمنح المارين صمت المكوث ودفْ الحضور ليزدهر النثر بألق الحديث وجماله لنعانق صدق النبض ولهفته ** مترف الحس وعذوبة المنطق لآ يكفينآ وميض حرفك لـ نحيآ لـ يبقى آلجشع آمنيآت بحروف نرتويهآ دائماً من غدقك ولروحك حدائق الياسمين