[[الوقت يلعب في عقـــــول الرياجيـــــــل....بس المـره ماتلعب براس رجــــــــال]]

الوقت يلعب فـي عقـول الرياجيـل=بس المـره ماتلعـب بـراس رجـال

والله يسـتـر يالـيـال المقـابـيـل=متقلبـه وبكـل يـوم لـهـا حــال

لاخف ميـزان العقـل صابـه الميـل=امـا عـدل والا مـن هبـال لهبـال

وشهي المره قلـي بشـرح وتحليـل=يومنهـا تلعـب علـى كـل مــوال

هالوقت مال وشفـت فيـه التهاويـل=ياكيف مـدري بـس تحتـال تحتـال

وحرق فؤادي شوف بعض الأزاويـل=وأنا احسبنـه راقيـن نايـف الجـال

من يوم ماراحت عصـور الحلاحيـل=ماعاد لي فـي لبـس دبلـه وخلخـال

وماعاد لي في كحل سـود مضاليـل=وماعاد لي في لبسـك اليـوم يالشـال

لا...كن جرحي همـه القـال والقيـل=اللي يـروج بـه خبيثيـن الاعمـال

اصبر!! واشوف الصبر مامن محاصيل=والجـرح يدمـي بالحنـايـا ولازال

قلته وانـا بنـت الرجـال المشاكيـل=اللي لهم فـي واقـع المجـد تمثـال


تحياتي:عيون المها

للمزيد من مواضيعي

 

الموضوع الأصلي : [[الوقت يلعب في عقـــــول الرياجيـــــــل....بس المـره ماتلعب براس رجــــــــال]]     ||     المصدر : شبكة ومنتديات درر الادبية     ||     الكاتب : عيون

قلته وانـا بنـت الرجـال المشاكيـل=اللي لهم فـي واقـع المجـد تمثـال

عـيــون الـمـهـا

قـصـيــده رااائـعـه بـجـمـيـع الـمـواصـفـاااات

قـصـيـده تـجـسـدت فـيـهـا أجـمـل المـعـانـي

و روح الإبـداااع

تـسـلـــم يـمـنـاااااك لاهــنـتــي

## عـيـون الـمـهـا ...

هـل هـذه الـقـصـيـده من كـتـابـاتـك أم مـن أخـتـيارك ؟؟؟؟

صح لسانك ولا هنتـي على هذا الجـزله يا عـيون المها

تعريف وافي وكلمات وصف رائع يشـرفني بأن اكون اول من يصافح هذه الباذخه

ابدعتي بصياغه هذه الرائعه ,,,, ونعم فيك وفي اهلك ,,

تحياتي لك // خليل بن إبراهيم

لا هاذي من كتاباتي...بس ليش؟؟؟؟

مشكورين الجميع على المرورر...

صح لسانك مليون

قصيده رائعة تحمل في طياتها معاني كثيره

الله يعطيك العافية

تحيتي

عيون المها


صح لسانك الف مليون ولا يكفون



قصيدة جميلة



تحيتي وتقديري

عـيـون الـمـهـا

الـقـصـد مـن سـؤالي هـو واضح

يـعـنـي يـالـيـت أنـك كـتـبـتـي مـن قـصـائـدي

حـتـى يـكـون الرد عـلـى أنـهـا من قـصـائـدك وليس من الغير

لـذلـك اقـول لـكِ الأن ...

لله درّك عـلـى هـذه الـدرّه و هـذا الأبـداااااع

و صــح لـسـااااانـك مـلاااايـيـن و لا يـكـفـون

و نـنـتـظـر المـزيـد مـن الإبداااع فـلا تـحـرمـيـنـا مـنـه

دمـتــي بـكـل ود

هالله هالله عليج يا عيون المها


قصيده في قمه الروعه



بيظ الله وجهج


دمتي بود