تحديـت الشـعر// ..رائعه لجـ ـ ـار الله الشـدي ..بالنص والصوت..

تحديت الشعر كله وأنا شاعر ترى مجنون
الا من قلتها كلمه يوقف هالشعر كله

تعلمت الشعر لأجله..عرفت إني أبد مااخون
عرفت اني لاجل عينه غديت الشاعر الفله

لأني شفته بعيني وشايف ماغدا مكنون
لأني ضايع من دونه والا من ضاع أنا دله

وأنا لو بنتقي وصفه..هنا مبسم .. سواد عيون
هنا خصـرٍ يعذبني ..يابـري الحال لاتله

هنا المزيون ولاغيره أبد في هالبشر مزيون
أبحلف باللذي كمل جماله حالـفٍ بالله

عليـّه بالحرام ان السحر في وجنـته مقرون
الامن خزني بعينه ..شياطيني أتولم له

عليه الرمش ماكنـه سـوا بجيـوش نابليـون
كما صف العسـاكر لاعلى هذا تجي مظـله

هنـا صوت عليـه البـح ..يالبّا صوتـه المفتـون
أنا حالف على صوته تروح أرواح منذله

وهنا ردف تحت خصره ..على هذا قوي متون
ليا منه مشى يقعد عروق القلب ويحله

على المشيه يصيغ حروف وأنا لو قلتها يبطون
لانه بالجمال اللي صعب للناس توصله

لأنه واثق الخطوه .. مع الخطوه ترا يقرون
تعابير الملوك اللي مشت ماتدعس الظله

عنيد الطبع والحيله والا من قلتها تكفون
ترا تكفى تهز رجال ..ليا من شالني دله

ليا من جيته بنفسي .. اجيله دايم بالهون
وهو يطرب على فعلي وأنا كني على مله

الا يالعنبو شعرٍ قصر بالوصف لو تدرون
أنا يكفيني الغالي..وغيره ماطرا لله

غلاه اللي سكن قلبي وحبه بالحفظ والصون
وأنا اللي حالفٍ بالله . . غلاه اليوم مامله

أنا ماهمنـــي يدرون وحتى إيش لو يدرون
قصيـده والبــطل فيــها حـروف الإسم جــار الله