البنتلي .. مجاراه لفزّاع

هاتولي البنتلي لو في طرف سكه= أبغي اطالع حبيبي ع البلكونه

ياللي تبا البنتلي والناس منصكه =تبغي تناظر حبيبك ع البلكونه؟
هذي وكالة غرامي جات مشتكه=الرنج والبنتلي والخط يطرونه
عزاه ياللي سكنتي إبطرف مكه=مبعد طريقك على اللي مايدلونه
البنتلي سعد منهو بالثمن فكه=ياسعد منهو تمسك في دركسونه
ثمن على خط مكه حكه وحكه=والعين ما تلتفت لنبير طبلونه
أربع سكك وافيه من دونها سكه=يدعس على كيف كيفه مايحاكونه
ياوجد حالي وجود قلوب منضكه=كل ماطرالي غلاه وضحكة سنونه
حتى الأحاسيس والأشواق مندكه=أتفز له لا بغيت أشوف وشلونه
وأقرب مثالٍ على الأشواق بنشكه=للي يعرف البلوت ويلعب فنونه
كن اللعب شيريا ومربعٍ بكه=مصفوق بسود ولد والحال ياعونه
ومدام فزاع شعره بالغلا دكه=من لامني لا جلبت الشعر ولحونه
ومدام فزاع يانس بالحشا تكه=ياني أتك بحشاي أشياء مكنونه
منصكه إلاّ على ما قيل مصتكه=ياللي تحبون قافي ذا وتقرونه
لامن طرالي حبيبٍ ساكنٍ مكه=ضاعت علومي وقلبي زادت إشطونه